Kongleskileik og lagsrenn på Kleivane

Søndag 20. mars blei det i samarbeid med Fjellhug/Vereide IL arrangert Kongleskileik og lagsrenn på Kleivane. Kanskje sesongens siste skirenn for mange?

Vergudane var ikkje heilt med oss denne søndagen og det bles friskt på stadion. Men spreke skientusiastar lar seg ikkje stoppe av den slags, og i overkant av 60 ungar la ut i fint driv og med stor iver. Vel i mål vanka det saft, kvikklunsj  og Elggjengen sitteunderlag til alle saman.

Det var fyrt opp i grillhytta og lagt opp til litt aktivitetar etterpå, men dei fleste tykte det var nok med skirenn og vende nasa heim igjen.

Takk til Fjellhug/ Vereide  IL for fint arrangement, og takk til alle som var med oss denne dagen!

PS! No nærmar det seg vår (håpar vi!)  – følg med her på Kongleriket for fleire aktivitetar!