Publisert 24. januar 2011
Tysdag 8. desember var vi i Brekke. Her var vi i låven til Jon Næss. Vi laga julepynt av kongler, sløyfeband og gulltråd. Vi hadde telys i vindauga og rundt om i låven. Vi hadde bl.a. sett fram faklar ute så det skulle vere lett å gå opp til låven. Det var ei fin stemning og ramme rundt det heile. Mange barn og vaksne møtte fram. Julenissen kom også og delte ut godteposar. Han hadde også med seg gitar. Det vart sunge mange songar og steminga var god. Alle fekk peparkaker, julemenn, julebrus og dei vaksne fekk kaffi. Det vart ein julekos som var Heilt Kongle! Etter å ha laga pynt, gjekk vi ned og pynta juletreet utanfor Coop butikken. Vi tende lysa på grana og song mange julesongar. Vi avslutta førjulskosen ved julegrana. Vi vil rette ein stor takk til nissen og til eigar av låven.
Torsdag 10. desember var vi i Eivindvik i banken. Her laga vi julepynt av kongler, sløyfeband og gulltråd. Vi kosa oss med julebrus, julemenn og pepperkaker. Nissen kom og delte ut godteposer til alle. Som takk fekk han med seg julegraut før han for vidare.
Vi pynta juletreet utanfor banken. Song julesongar. Barna kosa seg og det var ein fin stemning.
Alle var einige om at dette var Heilt Kongle!
Fredag 11. desember var vi på Byrknesøy. Her og laga vi julepynt og kosa oss med pepperkaker, julemenn og julebrus. Pynta treet ute på plassen med konglene vi hadde laga. Mykje snø la ei fin ramme rundt det heile og skapte ein fin stemning.
Kongleveka er over og den heldige vinnaren av ein Nintendo 3DS og tilhøyrande Super Mario 3D land-spel er kåra!
