Kongleveka 7.-11. desember i Gulen

I Gulen hadde vi førjulskos fleire stader. Her ser du bileta!

Måndag 7. desember var vi på Byrknesøy. Vi var samla ved butikken. Vi laga julepynt av kongler og raudt sløyfebånd. Desse brukte vi til å pynte juletreet ute på plassen. Juletreet vart nydeleg. Medan vi stod der kom julenissen og alle fekk godteposer med mandarin, nissesjokolade og seigemenn. Etterpå gjekk vi inn og kosa oss med julebrus og godteposane, samtidig som den nye julehistoria til Kongleriket blei lest opp. Det var ei fin og koseleg stund – Heilt Kongle!

Onsdag 9. desember var vi i Brekke. Her var vi i låven til Jon Næss. Vi laga julepynt av kongler, sløyfeband og gulltråd. Vi hadde telys i vindauga og rundt om i låven. Eigar av låven hadde bl.a. sett fram faklar ute. Det var ei fin stemning og ramme rundt det heile. Mange barn og vaksne møtte fram. Etter å ha laga pynt, gjekk vi ned og pynta juletreet utanfor Coop butikken. Vi tende lysa på grana og song mange julesongar. Så gjekk vi tilbake til låven der julehistoria om nissen som kom til Kongleriket vart lese. Julenissen kom også og delte ut godteposar. Han hadde også med seg gitar. Det vart sunge mange songar og steminga var god. Alle fekk peparkaker, julebrus og dei vaksne fekk kaffi. Det vart ein julekos som var Heilt Kongle!

Torsdag 10. desember var vi i Eivindvik i banken. Her laga vi julepynt av kongler, sløyfeband og gulltråd. Vi pynta juletreet utanfor banken. Song julesongar. Julenissen kom og alle fekk godteposer. Nissen fekk med seg julegraut. Etter på gjekk vi inn i banken der vi kosa oss med julebrus, pepperkaker og godteposene. Julehistoria om korleis nissen kom til Kongleriket vart lese. Barna kosa seg og det var ein fin stemning. Alle var eninge om at dette var Heilt Kongle!